Vieiros

Desta volta, os populares achegaran ao rexistro parlamentario un total de 522 emendas, destas 485 referidas a proposta de modificación de gastos e outras 37 sobre posíbeis cambios á redacción de artigos do proxecto orzamentario. Da súa beira, os grupos parlamentarios de PSdeG e BNG tamén achegaran outra ducia de emendas. A primeira xornada pechouse coa aceptación aos populares de 14 emendas referidas a gastos e 10 sobre o articulado do proxecto. Desde o grupo parlamentario do PPdeG, o ex conselleiro Orza gababa o "esforzo negociador" dos grupos do executivo. Para este martes queda o debate sobre as contas de tres departamentos: as consellarías de Traballo, Vivenda e Medio Ambiente.

Lembrámoslles que o proxecto de orzamentos para 2006 do bipartito fixa case 10 mil millóns de euros de investimento e cinco eixos clave de actuación: modernización económica, emprego estable e de calidade, mellora da sanidade, compromiso social e equilibrio territorial. En cifras concretas o obxetivo para o próximo exercicio é acadar unha taxa de crecemento do 3,4% do PIB, creación de 31.000 empregos netos e situar a taxa de paro de Galiza por debaixo do 10%. Na mañá deste luns iníciase un debate que rematará o próximo martes e no que se agarda que o proxecto orzamentario previsto non saia apenas modificado. O PPdeG presenta emendas ás contas de todas as consellarías.

• A Xunta presenta os "orzamentos do cambio"
• Os "orzamentos do cambio" promoverán un control estreito de axudas e subvencións
• Máis de 3.800 millóns do orzamento comprometidos deica o 2009 polo anterior goberno
• Unha norma prohibirá o endebedamento a longo prazo no orzamento autonómico
• No Canal Tempos: A política orzamentaria en Galicia, artigo de Manuel Cao