Vieiros

O piloto australiano Andy Caldecott faleceu no transcurso da etapa de hoxe do rali Lisboa-Dakar. Caldecott sufriu un accidente e caeu da moto á altura do quilómetro 250 da novena tirada da proba, que vai da capital mauritana, Nuacchot, e a vila de Quifa. Caldecott, que morreu practicamente no acto, participaba no seu terceiro Dakar. Quedara de sexto en 2005 e nesta edición marchaba no posto 10º, logo de vencer na tirada entre Nador e Er-Rachidia, en Marrocos. Con el xa van 23 persoas mortas nestes últimos trinta anos. Os galegos Fran Gómez Pallas, e Xacob Agra chegaron con varias horas de retraso con respecto ao gañador, o francés Cyril Despres, na que foi a tirada máis longa deste 2006.