Vieiros

"En 2006 o mundo ten que escoller: ou segue sen facerlle caso ao custo masivo da proliferación de armas ou actúa para controlar o comercio de armas", denunciou esta semana Babara Stocking, directora de Oxfam, "só un criminal lle vendería premeditadamente unha pistola a un asasino, porén os gobernos poden venderlle armas a rexímenes que teñen un historial de violacións e dereitos humanos ou a países onde as armas van parar a criminais de guerra".

Desde Amnistía Internacional insisten que este ano será clave e que os gobernos "deben darlle o impulso inicial ás negociacións arredor dun Tratado sober o Comercio de Armas de carácter internacinoal". A ONU fai estes días e coma paso previo para a conferencia do próximo mes de xuño, o primeiro balanzo da iniciativa para o control de armas impulsada hai cinco anos. Na apertura dos debates, o secretario xeral para Asuntos de Desarme, explicou que a institución traballa coa convicción de que se trata dun problema "a resolver nun longo prazo".