Vieiros

Amnistía lembra que as condicións ás que son sometidos os presos van en contra dos regulamentos do dereito internacional. "Están sometidos a un trato cruel e degradante", denuncian, ao tempo que advirten dos datos sobre o traslado de máis de 250 presos a outros centros de detención noutros puntos do planeta. "Son catro anos xa sen xustiza en Guantánamo", láianse desde o colectivo en defensa dos dereitos civís.

A asociación trasladoulle esta semana unha petición oficial á presidencia de quenda da Unión Europea, asumida por Austria, para que lle solicite ao goberno Bush que peche este centro de detención ilegal. O grupo gabou a intención anunciada pola chanceleresa alemá, Angela Merkel, que este xoves viaxa aos EEUU, de pedirlle á administración estadounidense que remate con esa situación de alegalidade.