Vieiros

Case 40 mil sinaturas de apoio acadou xa a campaña da iniciativa lexislativa popular en defensa dos nosos ríos, máis do triple do mínimo de 15 mil necesarias para a presentación de proposicións de lei que acheguen ao Parlamento galego a voz directa dos cidadáns. Membros de Adega e da comisión promotora da iniciativa, veñen de presentar a xornada que o próximo 28 de xaneiro acollerá o Museo do Pobo Galego, a prol dun plan de acción que corrixa o mal estado actual dos ríos do país e evite o seu aproveitamento "por riba dos niveis de sustentabilidade ambiental, enconómica e social". Este xoves preséntanlle formalmente aos grupos parlamentarios a petición para que a lei comece trámites o próximo mes de febreiro.

• No Canal Verde: O modelo de organización e uso territorial de Galiza ten que facerse baixo o máximo respecto á súa rede de espazos naturais