Edición xeral
Iraq: 130 mortos en 24 horas
Preto de 130 persoas, a maioría sunís, morreron nas últimas vintecatro horas en Iraq nos enfrontamentos entre sunís e xiís, logo da destrución o mércores do santuario xií de Samarra, segundo informa Al Iasira. O Executivo apela á "unidade nacional" para tornar a guerra civil, pero os sunís suspenderon as conversacións con xiís e curdos para formar o novo Goberno até que o Executivo "pida desculpas" polos ataques contra as súas mezquitas. Tres xornalistas de Al-Arabía foron atopados mortos (van xa sesenta desque comezou a guerra), e catro soldados norteamericanos faleceron tamén ao noroeste de Bagdad.
A paz contra o invasor, como definiran os líderes relixiosos o armisticio entre sunís e xiís tras catorce séculos de enfrontamentos, rematou coa vitoria xií nas eleccións, e a escalada da violencia en Iraq semella non ter paradura. O presidente iraquí, o curdo Ialal Talabani, pretende sentar a ulemas de todas as confesións para participar nunha conferencia que reforce o diálogo intercomunitario.
Talabani cualificou o atentado de onte na mezquita xií de Samarra de "crime para provocar o odio sectario". A carón de Iraq, o presidente iraní, Mahmud Ahmadineiad, dixo que o de Samarra é obra "de sionistas e ocupantes derrotados". E Blair apunta a Al Qaeda.
Mentres, os sunís racharon as conversas para formar goberno até que o actual Executivo, de maioría xií, pida desculpas polos últimos atentados contra os seus templos. Máis información na BBC.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto