Vieiros

Ademais de Industria, as consellarías de Medio Ambiente, Traballo, Vivenda e Solo, Economía e Medio Rural están implicadas na análise da situación creada pola factoría de ENCE en Lourizán e a avaliación da súa futura ubicación. Este mesmo mes debería estar concluído un primeiro informe desde cada un destes departamentos sobre o futuro posíbel para a factoría.

Segundo o responsábel de Medio Ambiente, a Xunta vaille presentar á empresa "un plan apetecíbel para que ese traslado se produza moito antes de 2018", ano no que remata a concesión para o uso dos terreos. Vázquez fixo estas declaracións ao fío da xuntanza con alcaldes do Salnés, insistindo en que o bipartito estudará propostas que en ningún caso zouparán na ría de Arousa. "Trasladar o problema actual da celulosa a pé da ría de Pontevedra a só doce kilómetros desa mesma ría non é unha solución", indicou ao respecto.