Vieiros

O propio José Luís Méndez non foi moi claro nos últimos tempos e nos seus pronunciamentos públicos sobre o futuro dos investimentos de Caixa Galicia na papeleira, mantendo a incerteza sobre a existencia ou non dun proxecto a longo prazo da entidade financieira galega en Ence. De posuír porcentaxes superiores ao 18%, Caixa Galicia foi reducindo cota de xeito paralelo á aceleración da polémica pola intención da papeleira de manter na súa ubicación actual a celulosa que tén en Pontevedra.

Caixa Galicia reduciu así o seu capital en Ence até o 10.042% que posúe actualmente, o que a sitúa por tras dos empresarios madrileños popularmente coñecidos coma Os Albertos, a través da empresa Alcor Holding, que controla agora unha maioría do 12.523% logo de mercar o 2.51% que mantiña Bankinter, que se desprendeu nunha semana do 5% da súa participación total en Ence. De ter unha pequena cota da papeleira, Cortina e Alcocer compráranlle ao Banco Zaragozano un 3% da empresa e aceleraran o seu movemento sobre Ence en xaneiro, sumando o 6.5% de Barclays. Os 24.7 millóns de euros gastados para mercar agora a parte de Bankinter danlles o liderado no accionariado, que se completa co 10.01% de Juan Luís Arregui, fundador de Gamesa e o 5.77% de Caja Astur; o 5% de Inversiones Atalaya, integrada por varias caixas do sur do Estado. O 54% restante está no mercado libre.