Vieiros

Este organismo tamén informa de que o tremor tivo unha intensidade IV na zona do epicentro e que é o de maior intensidade rexistrado nas costas galegas na historia. O maior sismo rexistrado no noso país foi no 1995 e acadou os 5,3 graos na escala de Richter.

Segundo informa Europa Press, o sismo sentiuse especialmente nas zonas de Ferrol, Cedeira, Boiro, Santiago Camariña e A Coruña, aínda que o tremor tamén chegou até Vigo. Polo momento non se ten constancia de danos materiais.

A Radio Galega recolleu as testemuñas de veciños destas comarcas, que contaron que o tremos durou poucos segundos pero foi moi intenso. "Produciuse como un trono e moveu se a cama e mais a mesa", dico un veciño de Camariñas, tal como recolle a axencia Europa Press.

En internet tamén se poden atopar xa varias testemuñas a través dos blogs, e así os primeiros bitacoreiros que espertaron sentindo o tremor son Pedro Jorge Romero dende Santiago, Rodrigo en Oleiros e Starlita dende Vigo.

En Vieiros tamén queremos recoller as experiencias dos nosos lectores, que nos conten como o viviron e se houbo algún dano ou calquera outra información de interese. Se o sentiches, cóntanolo nos comentarios. Moitas grazas.