Edición xeral
Salvemos Sanxenxo, unha nova plataforma cidadá en defensa do litoral galego
Logo do levantamento popular de Nigrán, onde as asociacións veciñais lograron frear a aprobación inicial do Plan Xeral de Ordenación Municipal, os veciños de Sanxenxo, outra das vilas máis marbellizadas do litoral galego, alzan a súa voz en contra da especulación e dos delitos urbanísticos. Deste xeito, nace a iniciativa ‘Salvemos Sanxenxo" con internet como plataforma principal para dar a coñecer as súas denuncias e protestas ante o que eles consideran "unha errónea concepción do progreso".
"Nos últimos tempos estamos asistindo na vila de Sanxenxo a unha agresión intolerábel contra o noso patrimonio arquitectónico e paisaxístico". Así reza o manifesto co que a plataforma "Salvemos Sanxenxo" abre a súa web, que nace "desde o afán dunha persoa en denunciar todos os delitos urbanísticos de Sanxenxo.
Entre os obxectivos da nova plataforma está a procura dunha política de vivenda cunha clara orientación social, a adopción de medidas encamiñadas a protexer os espazos naturais e os edificios singulares, a oposición a calquera forma de alleación dos bens e dos espazos públicos, a procura dun acordo de toda a cidadanía na definición dun modelo de vila habitábel, aberto, moderno e humano e a reforma do Plan Xeral ou a derrogación daqueles puntos que deixan os cidadáns indefensos dos especuladores.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto