Vieiros

"Este desenvolvemento consolida unha nova etapa de Fadesa no seu ambicioso plan de internacionalización". Así o explican desde o grupo empresarial coruñés, lembrando que xa son o primeiro investidor estatal en Marrocos e subliñando o éxito dos seus proxectos en Portugal, Francia, Hungría ou Polonia. Fadesa participará en México na creación dun gran complexo turístico e residencial na costa do Pacífico, nunha zona onde o propio goberno mexicano deseñou un plan para estimular o desenvolvemento nun prazo de vinte anos dun área turística cun poder de convocatoria similar á que xa ten o Caribe mexicano.

• Anterior: Fadesa entra no Ibex 35