Edición xeral
Feijoo anuncia a creación de gabinetes de crise nos concellos do PP
O presidente do PPdeG, Alberte Núñez Feijoo, vén de anunciar a súa intención de crear gabinetes de crise non concellos gobernados polo seu partido. Os gabinetes estarán encabezados polo alcalde, un concelleiro delegado e os respectivos xefes de Policía Local e Protección Civil. Segundo Feijoo, a súa misión será a de "tentar coordinar as axudas, os medios e que os veciños sexan solidarios entre as parroquias".
A decisión de formar estes órganos foi tomada nunha asemblea celebrada na sede provincial do PP de Pontevedra que estivo dirixida por Mariano Rajoy, Feijoo, Rafael Louzán e a responsábel local do partido, Teresa Pedrosa.
Núñez Feijoo aproveitou a presentación dos gabinetes para expresar a súa "lealdade institucional e colaboración total" á Xunta e ao goberno central e asegurou que "non é o momento de confrontar, se non de colaborar". O presidente do PP galego cre que sería "absurdo" entrar en "loitas políticas" nestes intres. "Xa chegará o momento", asegurou.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto