Centos de hectáreas nos montes de diversas parroquias dos concellos de Santiago de Compostela e Ames foron arrasadas en días pasados e ducias de vivendas desaloxadas mentres os servizos de extinción conseguían que as lapas non chegasen ás casas. Logo da investigación do lume, orixinado na parroquia de Figueiras e que se reproduciu en varias ocasións en días sucesivos, a Policía Autonómica detivo na tarde do xoves a B.F.P.R, de 21 anos de idade, e a A.B.P, de 17 anos, veciños da localidade de Castiñeiro do Lobo (Ames).