Vieiros

Oito persoas perderon a vida esta tarde logo de descarrilar o tren diúrno que fai o percorrido entre Galiza e o País Vasco. O accidente produciuse á altura de Villada, en Palencia. Segundo Renfe, o tren que cubría o traxecto A Coruña/Vigo – Bilbao/Hendaya descarrilou ás 15:52 "por causas aínda descoñecidas". Trinta persoas resultaron feridas, oito delas de gravidade. O tren accidentado é un Intercity de seis coches, que saíu ás 08:00 horas desta mañá de Galiza e debía chegar ás 20:35 a Hendaya. O aparato está formado por dous trens de tres vagóns cada un provenientes de Vigo e A Coruña que se unen en Monforte para continuar unidos ata Bilbao-Hendaya.

• Teléfono afectados: 900 200 222, 902 200 215 e 800 200 112