Vieiros

A Consellaría de Medio Rural puxo en marcha os dispositivos contraincendios para tender barreiras que eviten que a cinza que deixaron os lumes do verán se espalle co vento e contamine os ríos e o mar. As cuadrillas e motobombas que compoñerán estes equipos encargaranse de facer que as acumulen a menor cantidade de rrestos posíbel, e do mesmo xeito están alerta para desatascaren pontes ou pistas en caso de riadas ou caída de árbores.

Pola súa parte a Dirección Xeral de Protección Civil emitiu onte un informe no que se alerta deste adverso meteorolóxico e recomenda a adopción de distintas medidas de precaución e protección, que foi enviado a 793 entidades: todos os concellos, agrupacións de voluntarios, policías locais, Deputacións Provinciais, bombeiros das catro provincias, urxencias médicas, Administración Xeral do Estado (Delegación e Subdelegacións do Goberno, Garda Civil, Policía Nacional), Consellerías e outros organismos da Xunta de Galicia, empresas de servizos básicos (eléctricas, gas, auga, etc) e outras empresas, e organismos relacionados co mar, autoridades portuarias e clubes náuticos.

Entrada do outono
A novidade é que este cambio brusco se produce antes de que remate o verán -o outono non comeza até o 23 de setembro-, polo que aínda que as temperaturas máximas baixarán uns catro ou cinco graos as mínimas non cambiarán. Protección Civil xa ten postas en marcha as medidas preventivas e chaman os cidadáns a tomar medidas de autoprotección no mar e na terra.

Poden seguir a evolución do furacán na web do Centro de Predición de Furacáns do goberno norteamericano, e as predicións e comentarios dende o outro lado do Atlántico, no metsulBLOG.