Vieiros

As descualificacións acompañadas de insultos, as posicións explicitamente proclives ao PP ou o menosprezo aos partidos políticos e institucións de Cataluña, están entre os motivos argumentados or tres grupos cristiáns, o Centro de Estudos Francisco Eiximenis, a Lliga Espiritual Mare de Déu e Cristianismo Século XXI, para a denuncia canónica diante do Tribunal da Rota, presentada contra a Conferencia Episcopal Española. Os colectivos pídenlles aos bispos que se desmarquen publicamente da liña editorial defendida nos programas La Mañana e La Linterna, da emisora Cope. "A Igrexa non só cala, senón que lles dá apoio", quéixanse.