Edición xeral
Os enxeñeiros de telecomunicacións premian a Imaxin e elixen a Arturo Dopico como o mellor do ano
A Noite Galega das Telecomunicacións e da Sociedade da Información reúne hoxe os principais axentes do sector no país. Na velada, organizada pola Asociación e o Colexio de Enxeñeiros de Telecomunicacións de Galiza, entregaranse os Premios Galicia de Telecomunicacións 2006. Imaxin Software e Arturo Dopico, director xeral do grupo de cable R, son dous dos galardonados.
Imaxin recibe a distinción "Premio á Mellor Aplicación TIC" pola súa participación no lanzamento de Opentrad, un tradutor de código aberto para galego, castelán, catalán e euskera.
O "Premio ao Mellor Proxecto TIC con Beneficios Sociais" recibirao a Consellería de Sanidade pola Rede S@úde. A empresa coruñesa LambdaStream é a gañadora da categoría "Mellor Iniciativa Empresarial". O conselleiro delegado de Televés, José Gabriel Barreiro, será nomeado socio de honra da AETG
Punto gal, a asociación que promove a creación do dominio galego na rede, fará tamén unha presentación en sociedade. Ademais, o directivo de Microsoft Ibérica, Francisco Monteverde, mostrará por primeira vez en Galiza o Windows Vista.
Está previsto que o nova sistema operativo da compañía norteamericana chegue ás tendas a finais de xaneiro de 2007. As novidades que se coñecen, polo de agora, inclúen maior seguridade e navegación en tres dimensións.
Xavier Alcalá, a empresa viguesa Optare Solutions, a CRTVG e o Porto de Celeiro foron algúns dos premiados o ano pasado. Vieiros recibiu o galardón "A Nosa Rede" en 2004 .
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto