Vieiros

A Axencia de Protección da Legalidade Urbanística terá funcións de inspección e vixilancia urbanística sobre a edificación e uso do solo, tramitará expedientes de sanción e poderá requirir a anulación de licenzas urbanísticas contrarias á normativa, castigando infraccións e supervisando o restablecemento da legalidade. O detalle dos seus estatutos foi asinado este luns pola conselleira de Política Territorial, María Xosé Caride, e polo presidente da Fegamp e tamén alcalde de Lalín, Xosé Crespo. Ao fío Crespo recoñeceu que ao urbanismo até agora "prestábaselle pouca atención". "Para ter unha Galiza como a que queremos deixarlle a nosos fillos hai que actuar sobre ela", dixo Crespo.

• Xunta e a Fegamp ultiman a posta en marcha da Axencia de Protección da Legalidade Urbanística