Edición xeral
A Alternativa presenta a súa lista para que o BNG teña "substancia"
Xa se coñecen os 85 nomes que acompañaran a Rosario Fernández Vello na lista que a A Alternativa vai presentar na vindeira Asemblea Nacional. Vello subliña que a candidatura "enfróntase democraticamente a unha direción que tomou unha deriva destinada á conversión do BNG nun partido bisagra, nun partido sen substancia, alleo á tradición histórica nacionalista". A lista integra quedou depositada no local nacional do BNG. As demais candidaturas teñen de prazo ata este venres.
Rosario Fernández Vello, Amada Traba Díaz, Alberte Xullo Rodríguez Feixóo, Camilo Nogueira Román, Ánxeles Fernández Díaz, Xoán Manuel Rama Trillo, Sonia Saínz Suárez, Xusto Fernández Haro, Xosé Manuel Díaz Suárez e Xosé Chorén Vázquez serán os dez primeiros espadas na lista da Alternativa.
Os de Fernández Vello foron os primeiros en presentar a súa candidatura. Mentres tanto, dáse por feito que haberá outras tres máis. Anxo Quintana e a UPG teñen practicamente pechado un acordo e só se están a pulir os nomes da candidatura. O Encontro Irmandiño e o Movemento pola Base tamén confirmaron que tiñan intención de presentar as súas candidaturas.
Documentos
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto