Vieiros

Esforzouse o presidente do PP lugués e vicepresidente do PPdeG, Xosé Manuel Barreiro, en subliñar a unidade do seu partido na provincia de Lugo, na súa opinión reafirmada na recente convención celebrada en Monforte de Lemos. Barreiro, aspirante a substituír no cargo ao actual presidente da Deputación, Francisco Cacharro, recoñeceu que este renunciara a asistir ao encontro, malia ser explicitamente convidado. "Todos os militantes, e máis os que teñen responsabilidades no partido e nas institucións, deberan involucrarse no debate interno", comentou o vicepresidente dos populares, cualificando de "erro" a autoexclusión de Cacharro deste foro e a súa reiterada ausencia doutras convocatorias da formación.