Vieiros

Lembrou este martes o secretario xeral do PSdeG, Ricardo Varela, que hai pouco tempo que se fixo público que o concelleiro de Urbanismo en Porto do Son mercara unhas leiras logo recualificadas no plan xeral, decidindo o rexedor socialista do municipio o seu cesamento por este motivo. Ao fío, solicitoulle á dirección do PPdeG que aclare os negocios urbanísticos que ten Telmo Martín, o actual alcalde de Sanxenxo e próximo candidato á alcaldía de Pontevedra. Sobre o asunto, e logo de que volveran á actualidade as denuncias que lles adiantabamos hai semanas, o rexedor popular negou que especulase con predios no concello onde goberna.

• Os veciños acusan o alcalde de Sanxenxo de especular con terreos en Portonovo
• Salvemos Sanxenxo, unha nova plataforma cidadá en defensa do litoral galego