Vieiros

O Consello cavila investir eses 8.5 millóns de euros que ingresaría pola venda dos predios inicialmente destinados a vivenda protexida, na compra de terreos en Punta Vicaño, onde proxectaría a construción dun parque. Lembran os veciños que a vivenda é "máis necesaria" e daríalle resposta a unha demanda importante na vila.

Por este motivo, os colectivos propoñen que no estremo de facerse esa venda, os cartos sexan investidos en mercar predios urbanos existentes. Opinan que o Concello debera deixar de favorecer, como fai na actualidade, a construción de vivendas para segunda residencia e urbanizacións illadas, que debuxan "un futuro incerto baseado en dous meses ao ano". A alternativa sería a edificación de vivendas públicas, "até 70 ou 80 en cada núcleo", potenciando unha "poboación fixa". "Os nosos veciños nin poden, nin deben, pagar 30 millóns por un piso de 65m2", quéixanse sobre os elevados prezos inmobiliarios na zona. Os colectivos veciñais queren que a consellarías de Vivenda e a de Política Territorial se pronuncien sobre a situación.

• Pídenlle ao PPdeG que investigue os negocios inmobiliarios do alcalde de Sanxenxo
• Os veciños acusan o alcalde de Sanxenxo de especular con terreos en Portonovo
• Máis información nas bitácoras Salvemos Sanxenxo e Blog de Sanxenxo