Vieiros

Xoán Montero e Ekaterina Guerbek recibiron ex aequo o sexto premio de tradución Plácido Castro 2006, que concede a fundación homónima do Instituto Galego de Análise e Documentación Internacional (IGADI), coa colaboración da Asociación de Tradutores Galegos, a Real Academia Galega e o Departamento de Tradución e Interpretación da Universidade de Vigo. A tradución d'O banqueiro anarquista, de Fernando Pessoa, que levou a cabo Xoán Montero, e a de Diario dun tolo, de Nikolai Vasílievich, que fixo Ekaterina Guerbek coa revisión de Maite Veiga, foron recoñecidos polo xurado, que emitiu o seu fallo o sábado 20 no concello de Baiona.