Vieiros

Verdegaia confirmou que o aceite procede dunha caneira do citado polígono, mais aínda se descoñece a identidade dos responsábeis directos. Afirman que non é a primeira vez que acontece xa que, hai uns meses, varios traballadores da empresa máis próxima ao punto de verquido da caneira sufriron mareos polo fedor.

"É posíbel que o verquido se realizara uns días antes, coincidindo coa volta das chuvias, o que podería ter relación cunha grande mortaldade de peixes no río Louro á altura de Tui", sinala o grupo ecoloxista. Este esixe o feche da empresa implicada, así como a aplicación do código penal "por causar un grave delito ecolóxico, con risco para a saúde pública, por contaminación de chans e acuíferos, e cos agravantes de reincidencia e afectación a un hábitat prioritario da Rede Ecolóxica Europea Natura 2000".

Neste senso, afirman que o verquido "podería ter introducido substancias canceríxenas na cadea trófica". Os terreos afectados están cualificados como hábitat de conservación prioritaria, e están incluídos na área natural protexida das Gándaras de Budiño.