Vieiros

O presidente da Xunta, Emilio Pérez Touriño, asegurou na tarde do sábado que se están a tomar "todas as medidas" pertinentes e razoábeis para responder á situación creada polo incendio no buque holandés ‘Ostedijk’. "Están operando os mecanismos de resposta, de prevención e control da situación" asegurou Touriño en declaracións aos medios. Tamén sinalou que está a manter contactos coa ministra de Fomento, Magdalena Álvarez, o delegado do Goberno en Galiza, Manuel Ameijeiras e o conselleiro de Presidencia, Xosé Luis Méndez Romeu, así como con cos responsables de todo o operativo despregado. O presidente da Xunta indicou que retorna desde Oviedo, onde rematou o VIII Cumio Galiza-Asturias, para seguir a evolución da situación.