Ás once da noite deste sábado o buqué holandés ‘Ostedijk’ recibía a autorización da Mariña Mercante para continuar a súa ruta até Valencia. A embarcación pasou 20 horas ante as costas galegas logo de sufrir un incendio que descompuxo parte da súa carga, 6.000 toneladas de fertilizantes. A fermentación provocou a emanación de gases tóxicos motivo polo que a Xunta decidiu activar o Centro de Coordinación Operativa (CEOP) para tratar a situación de risco. O delegado do Goberno en Galiza, Manuel Ameijeiras, sinalou a primeira hora da tarde do sábado que non existía perigo para "o barco, tripulación, poboación, nin para o medio ambiente".