Vieiros

Até agora o goberno estadounidense negara sempre a existencia dun plan para atacar Irán, aínda que o presidente George W.Bush insinuara esa posibilidade. A diferencia do que aconteceu por exemplo con Corea do Norte, que recoñecera que o seu proxecto nuclear incluía tamén obxectivos militares, Irán veu defendendo sempre que a aposta pola enerxía nuclear tiña a única meta da produción enerxética.

As recentes declaracións do xestor do Instituto Internacional de Enerxía Atómica, Mohamed ElBaradei, quen asegurou que Irán será capaz de enriquecer uranio en poucos meses, poderían acelerar os plans estadounidenses. Unha antiga asesora do executivo Bush, afirmou para a CNN que os EUA poderían provocar un conflito "accidental" como escusa para lanzar o ataque aéreo sobre Irán.

E porén, o recente acordo con Corea do Norte, que se comprometeu a desfacer o seu programa nuclear a cambio de gorentosas axudas económicas, gañando así a súa saída do bautizado "eixo do mal", é exemplo de que a solución diplomática aínda é posíbel.

Poden ampliar na BBC.