Vieiros

O desbloqueo deste proxecto permitirá concertar o anel de circunvalación marítimo de Vigo e segundo as próprias palabras dos seus promotores a estética e a funcionalidade está contempladas neste proxecto. Coma exemplo do dito, construirase unha zona axardinada dunha superficie aproximada ós mil metros. Ningún dos responsables do proxecto recibirá beneficios ou comisión algunha e agardase comunicar nunha data próxima ó departamento de tráfico, a solución adoptada para saber si é ou non posible comezar as obras coas menores molestias para os cidadáns. O presuposto do proxecto ascende a máis de 750 millóns de pesetas, sin ter en conta as últimas modificacións e esta cantidade impedirá efectuar os traballos antes de que remate o mandato do actual goberno municipal do Partido Popular. Segundo o concelleiro Infraestructuras, Pablo Comesaña, a cantidade investida no proxecto obriga a que as obras sexan publicadas no Boletín da Unión Europea e, esto supón unha exposición pública como mínimo de 54 días.