Edición xeral
Cómo ver a televisión portuguesa
As antenas arraiás galegas son as únicas que, a día de hoxe, poden recibir libremente as canles portuguesas de televisión. O sinal que o permite é o emitido polos repetidores das rexións do Miño e Tras-os-Montes. Outra opción consiste en contratar os servicios de R, que inclúen a RTP internacional no seu paquete básico.
Ademais desas posibilidades, hai casos de persoas que conseguiron recibir as emisións das canles portuguesas por outros medios. A través do foro da Assembleia da Língua (AL) soubemos do caso dun vigués que conseguiu recibir o paquete da TV Cabo portuguesa abrindo unha conta corrente nun banco portugués e co enderezo dun amigo que reside en Valença do Minho.
Nas cidades galegas podemos ver a RTP internacional contratando o paquete de R. A compañía de telecomunicacións inclúe esta canle tanto no servicio en aberto coma no servicio básico de televisión.
Outra modalidade para recibir o TV Cabo é factible mediante a empresa portuguesa O Rei das Parabólicas. É preciso ter unha antena que conecte con Via Digital, servicio que provén do satélite Hispasat, o mesmo que transmite a TV Cabo. A empresa portuguesa encargaríase de enviarnos o decodificador para recibir estas prestacións.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto