Edición xeral
Pello Zubiria, en liberdade baixo fianza
O xuíz da Audiencia Nacional, Juan de Olmo, decretou a liberdade baixo fianza de 12.000 euros a Pello Zubiria. O director de Argia abandonará hoxe martes a cadea de Soto del Real. Sete das dez persoas que foron detidas na operación contra Egunkaria están en liberdade. Na comisión de Dereitos Humanos do parlamento vasco, o director de Egunkaria, Martxelo Otamendi, volveu insistir en que foi torturado durante a súa detenciou e que non seguíu ningún manual de ETA cando presentou a denuncia.
Otamendi declarou que, amais de ser insultado reiteradamente, os axentes que participaron nos interrogatorios obrigáronlle a facer flexións espido e que lle aplicaron a bolsa “dúas veces no intervalo dunha hora”. Engadíu que tivo que aprender de memoria a declaración baixo a ameaza de que se contaba algo ao forense “me pegaban dous tiros”.
O parlamentario do PP, Carlos Urquijo, respondeulle ao xornalista: “creo moito máis ao ministro de Interior dun goberno democrático que a unha persoa que está acusada de pertenencia e colaboración con banda armada”.
O voceiro do PNV, Emilio Olavarria, dixo que “non temos ningunha dúbida sobre as denuncias de Otamendi” , porque “calquera persoa que ten coñecemento dun delicto ou da súa comisión ten o deber de denuncialo”.
O PSE-PSOE mostrouse favorable a investigar as acusacións de Otamendi, polo que o animou a presentar a denuncia ante o tribunal competente.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto