Vieiros

A entidade dependente do Ministerio de Ciencia e Tecnoloxía Red.es deulle adiante á chegada dos primeiros 20 mil equipos informáticos para escolas dentro do programa ‘Internet na escola’. Andalucía é a primeira comunidade en recibilos e vén de sorprender coa escolla de Linux como sistema operativo dos computadores. Únese así á exitosa aposta de Extremadura polo software libre, onde funciona dende hai tempo o iniciativa Linex. De feito, as dúas comunidades veñen de asinar un acordo para compartir desenvolvementos neste proxecto.