Vieiros

Viacom, a empresa que posúe a MTV e os estudios da Paramount entre outras, anunciou onte a súa fusión coa CBS Corporation, unha das tres grandes cadeas xeralistas de radio e televisión, gracias a un acordo selado con 35.000 millóns de dólares. Estamos ante unha das maiores operacións no mundo da comunicación e Viacom -que así se seguirá chamando- convértese no segundo grupo multimedia logo da Time Warner. O imperio creado, valorado en 13 billóns de pesetas, será dirixido por Sumner Redstone (76 anos), presidente de Viacom, e Mel Karmazin, home forte da CBS, perfílase como o seu sucesor (55 anos).