Vieiros

Vieiros de meu Perfil


Edición xeral

RSS de Edición xeral
O ACTOR MATIZOU QUE SE REFERÍA "Á ESPAÑA DA CAVERNA", E NON Á XERALIDADE DO ESTADO

O CAC esíxelle a TV3 unha "desculpa pública" polas palabras de Pepe Rubianes

O Consell de l´Audiovisual de Catalunya (CAC) esixiulle a TV3 que lle pida disculpas "publicamente" ás persoas que se puidesen sentir ofendidas polas palabras do actor Pepe Rubianes na entrevista que lle fixeron no programa El Club. O pleno do CAC considera que as declaracións de Rubianes son "ofensivas para algúns segmentos da audiencia", según informa Vilaweb.

- 09:44 31/01/2006
Tags:

O CAC entende que o presentador de El Club, Albert Om, non lle plantexou a Rubianes as normas deontolóxicas pertinentes para impedir que se manifestase como o fixo durante a emisión.

O percorrido das palabras de Pepe Rubianes, que xa levan días sendo obxecto de polémica na rede e rebaixando -nalgúns medios estatais- a longa carreira artística do actor galego, parece non ter paradura. A entrevista do actor na TV3, o pasado 20 de xaneiro, segue dando que falar en Cataluña e no Estado español, e o Consell de l`Audiovisual de Catalunya tivo que saír ao turreiro para tratar de amolecer a presión mediática.

Rubianes matizou que, cando dicía "esa puta España", se refería "á España da caverna", e que as súas críticas "a Extremadura se referían ao presidente Ibarra, que dixo que Cataluña se podía meter o Estatut onde lle caiba, pero non ao pobo extremeño, que coma o meu tivo que padecer a desgraza da emigración".

O actor vilagarcián, que comezou a facer teatro con Dagoll Dagom a finais dos 70, fíxose acreedor do premio Gat Perich pola súa contribución ás artes escénicas. Está por ver se a entrega do galardón, que concede a prensa catalana, se ve afectada pola polémica. Personaxes da proxección pública de Julia Otero xa saíron na defensa do actor.


Ligazóns

0/5 (0 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: