Vieiros

Vimos de saber que a base de datos do famoso Google Maps foi recentemente actualizada. O ollo que desde o satélite mira cara a Galiza ofrécenos novidades para a contemplación do país a vista de paxaro. A ferramenta ampliou o abano de espazo cuberto cun maior nivel de nitidez sobre a nosa xeografía, que permite identificar as vilas costeiras desde Ferrol á Guarda e ofrece novas imaxes tamén para o interior lugués. Contámoslles a xeito de anécdota, sobre a Cidade da Cultura, que mentres afronta o redeseño do proxecto, ofrece en Google imaxe aérea das súas obras.