Vieiros

En África non todos son pasos cara á democracia. O actual presidente do Chad, Idriss Deby, que leva dezaseis anos no poder, defronta hoxe uns comicios para manter a cadeira oito anos máis. Rivais, ningún, pois todos os candidatos opositores abandonaron o proceso acusando a Deby de amañar o resultado e promoven o boicote ao proceso, ao igual cá Igrexa Católica e as oenegués. Pero o problema non está nas urnas, senón nas tropas rebeldes que controlan boa parte do territorio e que atacaron hai unhas semanas a capital Nxamena, e contra os que o exército chadiano se está a despregar.