Vieiros

Con máis de 2.100 metros de altitude, Pena Trevinca e Pena Negra son as montañas máis altas de Galiza. Os concellos ourensáns da Veiga e de Carballeda de Valdeorras son obxectivo de cadanseu proxecto para a creación de dúas estacións de esquí nesta serra de Trevinca. Diversos colectivos cidadáns e veciños do lugar ven con preocupación o impacto ambiental destes proxectos. Ao respecto, desde a asociación de empresarios da Veiga avalían que esa iniciativa turística é compatíbel coa protección da zona e piden mesmo a declaración de "Parque Natural" para a serra. En internet debátense os argumentos dun e outro lado: recomendámoslles a visita a Salvemos Trevinca e Trevinca.info.