Vieiros

Ao rematar o acto os encapuchados deron varios disparos ao aire e desapareceron entre o bosque, unha posta en escena moi propia en países como Irlanda ou Córsega, pero pouco habitual no País Vasco. Aínda así, non é a primeira vez que a ETA fala durante o Gudari Eguna. Ao acto de Oiartzun, no que participaron milleiros de persoas, non se lle permitiu a entrada á prensa, agás o xornal Gara.

O suposto comunicado prodúcese ún día despois de que se fixesen seis meses do anuncio de cesamento de fogo por parte da banda armada. Iniciado o proceso de paz, a súa lentitude parece inquietar o soberanismo vasco, e a reaparición dos actos violentos vénse mostrando nas últimas semanas con diversos actos da kale borroka. O dirixente de Batasuna Joseba Permach evitou comentar o comunidado de Oiartzun, pero si falou da "situación de bloqueo" pola que pasa o proceso de paz, ao que segundo el non axudan as "interferencias constantes" da Audiencia Nacional e das forzas de seguridade, nin tampouco a actitude do PSOE.

Pola súa parte Rodríguez Zapatero non aludiu expresamente ao comunicado, pero si lle lanzou unha advertencia á esquerda abertzale para que faga "só política e nada máis que política", asegurando que o Goberno español seguirá o proceso "con firmeza" e que "as reglas do xogo son claras: legalidae e paz".