Propoñen que a Xunta promova a galeguización dos nomes e apelidos
Unha proposición non de lei do BNG insta a Xunta para que se poña en marcha unha campaña de concienciación social para animar os adultos a galeguizaren o seu nome. A proposta, presentada polo parlamentario Bieito Lobeira, contempla, nunha primeira fase, que sexan os propios cargos públicos os que dean exemplo recuperando os seus nomes e apelidos na nosa lingua, ademais doutras persoas de relevancia social en eidos coma o deporte, as artes, a economía ou a relixión. A proposición non de lei solicita, asemade, que se publicite a posibilidade de restituír as formas autóctonas orixinais dos apelidos españolizados e se lembre que existe a libre opción de ordenalos nos fillos e fillas, como dita a Lei 40/1999.
Na súa exposición, Lobeira lembra que moitos apelidos galegos están a desaparecer, co que considera que se perde parte da nosa identidade. O parlamentario nacionalista culpa a Igrexa Católica e o funcionariado da españolización histórica dos patronímicos do noso país, e afirma que, se nalgúns casos se conservaron, foron pola ignorancia do poder sobre a súa orixe. O proceso está tan avanzado que, segundo os datos da cartografía dos apelidos elaborada polo Instituto da Lingua Galega da USC xa se perderon formas autóctonas como Toxo ou Xesteiro.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto