Edición xeral
Hamás e Israel acordan un intercambio de prisioneiros
Israel e Hamás chegarían a un acordo para a liberación do soldado hebreo Gilat Shalit, secuestrado o pasado 25 de xuño por militantes desta última organización, segundo informaron fontes palestinas anónimas ao diario israelí Haaretz. O goberno israelí estaría disposto a ceibar 450 prisioneiros palestinos en troques da liberación do militar. As mesmas fontes aseguran que a oferta realizada polo goberno israelí foi aceptada nun principio por Hamás.
Segundo a proposta, Hamás entregaría nun primeiro paso a Israel un vídeo no que se demostre que Shalit, de 20 anos, está vivo, e pola súa banda Israel deixaría ceibes un número de mulleres e menores palestinos retidos en cárceres israelís. Posteriormente, Shalit sería transferido a Exipto, e despois a Israel, ao tempo que as autoridades hebreas deixarían libres 450 presos palestinos.
Nun último paso, logo de dous meses, Israel comprometeríase a ceibar a outro número indeterminado de presos. As autoridades israelís serían as encargadas de decidir cantos presos se liberarían e as súas identidades neste paso final, mais as fontes afirmaron que se prometera actuar con "xenerosidade".
Ademais, unha delegación exipcia reuníuse o pasado domingo en Gaza co presidente palestino, Mahmud Abbas, para darlle conta do acordo entre Hamás e Israel.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto