Edición xeral
Máis dun milleiro de mortes en Iraq en apenas unha semana
Ataques con explosivos, combates e enfrontamentos varios en Iraq elevaron a un milleiro a cifra de mortos na última semana. A estatística de falecidos camiña así a empeorar os números de 2006, cando segundo a avaliación da ONU morreran só en Bagdad un total de 34 mil civís. Segundo a prensa estadounidense, o exército dos EUA e as forzas militares iraquís preparan unha ampla operación conxunta na capital.
Responsábeis do exército estadounidense afirmaron que a ofensiva que preparan será moito máis ampla das despregadas na cidade até o de agora, co obxectivo de aumentar a presión sobre "insurxentes, milicias e criminais".
Con esa fin, militares estadounidenses e iraquís vanse despregar polos barrios da capital de Iraq na procura de armamento ilegal de militantes de grupos rebeldes. Os EUA agardan incrementar a presión militar na cidade nos próximos seis meses na espera de virar a situación actual de violencia incontrolábel.
Poden ampliar en Al Iasira e CNN.
Ligazóns
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto