Edición xeral
Rigoberta Menchú cavila ser candidata á presidencia de Guatemala
Cunha porcentaxe de poboación indíxena en Guatemala por riba do 60%, a premio Nobel da Paz Rigoberta Menchú aspira a seguir os pasos de Evo Morales en Bolivia e poder levar a voz desta comunidade maioritaria ao executivo estatal. Inicialmente, Menchú falou da creación dun novo partido, malia que varias das formacións existentes lle ofreceron unirse aos seus proxectos.
"En Guatemala existe un destacado liderado nacional dos indíxenas e imos crear un partido político para buscar o goberno", anunciou días atrás Rigoberta Menchú, "Eu serei unha das persoas clave na formación dese instrumento que vai nacer", recoñeceu.
A súa perspectiva inicial sería deixar a loita polo goberno até as eleccións lexislativas de 2012. Con todo, o paso á política podería producirse xa este mesmo ano. Menchú recoñeceu que o seu proxeto político podería ter espazo nalgún dos partidos que nos últimos tempos se interesaron por acollela.
Máis información en Prensa Libre e Rebelión.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto