Edición xeral
Cinco anos de "excesos e abusos" da CIA na UE coa escusa antiterrorista
A Eurocámara conclúe que os gobernos "miraron a outro lado" mentres a CIA actuaba na Unión Europea. A investigación do Parlamento Europeo finalizou coa aprobación este mércores do estudo que denuncia as prácticas da axencia de espionaxe estadounidense, a CIA, en territorio da UE. O coordinador do informe foi moi crítico co papel dos gobernos europeos fronte a eses excesos. "Miraron cara a outro lado", criticou Claudio Fava, eurodeputado socialista italiano.
Houbo ampla maioría na votación en favor do informe que considera pouco críbel que os gobernos europeos, entre eles o español, non estivesen ao tanto da actividade da CIA a través dos aeroportos europeos. "Os gobernos sabíano", laiouse Fava.
O texto condena explicitamente a "aceptación e ocultación destas prácticas en certas ocasións polos servizos secretos e algúns gobernos europeos". Paradoxalmente, na negociación previa e para conseguir a aprobación da maioría da Cámara, retiráronse do documento as denuncias concretas que se facían a executivos coma o romanés, polaco ou alemán.
Ligazóns
- Ordenan en Alemaña a detención de axentes da CIA implicados nos voos secretos
- A investigación da Eurocámara atopa que a CIA usou o aeroporto de Peinador
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto