O PPdeG propón escolas "trilingües"
A emisión na televisión pública galega de programas en versión orixinal, inglés, con subtítulos en galego é unha das ideas propostas por Alberte Núñez Feijoo, que por outro lado considera solucionada a "normalización" do galego.
Feijoo propón que os rapaces estuden un terzo das materias nunha terceira lingua
Logo de belixerantes posicións contra o favorecemento do galego nas aulas, e moi especialmente contra as galescolas, os populares propoñen agora as trilingüescolas. Galego, español e inglés. "Unha boa maneira de exportar o galego e a cultura polo mundo é sabendo un terceiro idioma", afirmou o presidente do PPdeG, Alberte Núñez Feijoo.
Desde o PPdeG consideran que o recente consenso dos tres grupos parlamentarios "para garantir o ensino bilingüe" é abondo para a normalización do galego e afirman que o proxecto de lei agora presentado servirá para "darlle continuidade" ao decreto.
Con todo, o conxunto de iniciativas presentadas polos populares inclúe apostas importantes para a mellora do ensino doutras linguas, como é o estabelecemento dun "cupo suficiente" de profesores que sexan capaces de ensinar materias non lingüísticas noutros idiomas.
Son media ducia de ideas para que mozas e mozos de Primaria e Infantil dominen tres linguas "en canto cumpran os 18 anos". Así, alén do galego e o español, os rapaces estudarían un terzo das materias noutra lingua. Unha iniciativa que, en opinión dos populares, serviría para facerlle fronte "aos retos derivados da integración na Unión Europea e a crecente globalización económica e social".
Desde o curso 2007-2008
O PPdeG considera que sería posíbel que desde o próximo curso todos os centros públicos inclúan tamén programas de "anticipación da lingua estranxeira" no segundo ciclo da educación infantil, entre os 3 e os 6 anos de idade. Lembran que neste momento só algúns centros inclúen no último curso de infantil unha hora á semana de inglés.
Piden ademais que se impulse a introdución de "seccións europeas" en centros de ESO, Bacharelato e Formación Profesional, que contribúan a reforzar a aprendizaxe dunha lingua estranxeira, incorporándoa a outra materia. O proxecto inclúe a chamada a fixar por lei un compromiso explícito da Xunta para incrementar o número alumnos e profesores que participen "en programas de mobilidade transnacional orientados a impulsar o perfeccionamento de linguas estranxeiras".
Comentarios (8)
É evidente que a situación do galego está xa normalizada. Só temos que dar unha volta pola Coruña ou Lugo para velo.
(Ironía, claro)
É evidente que a situación do galego está xa normalizada. Só temos que dar unha volta por toda Galiza (con gafas de realidade virtual) para velo.
100% dacordo com Frijolito, escola trilingue: Galego-português, inglês, chinês! E o mundo aberto!
O Bloque xa incorpora o castelán nomeando ao xefe de servicio de cultura en lugo castelán-falante
O 50% do profesorado galego é incapaz de falar correctamente galego, de onde raios sacará Feijoo o profesorado competente en inglés? Da educación falan todos menos os que deberían: os mestres.
Estes "listinhos" tampouco inventarom a roda (que já estava inventada):
http://www.agal-gz.org/blogues/index.php/vogal?cat=101
Avante !
Está ben que se favorece a aprendizaxe dun idioma estranxeiro no país, pero antes deberían defende-lo noso idioma que está a desaparecer. Eu vivo na Coruña e poido pasar moitos días sen atoparme unha soa persoa que me responda en galego. Somentes existe o castelán na Curuña. Que gran triunfo das políticas lingüísticas do PP e do PSOE.
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto