A web en galego da Deputación de Lugo leva seis anos "en obras"
A lingua do país segue a ser discriminada polo organismo provincial tres anos despois de reformar á súa páxina en internet, e outros tantos máis dende que varias organizacións cívicas llo reclamaran oficialmente.
A Deputación de Lugo, gobernada polo Partido Popular, continúa a ignorar o 75% da poboación da provincia -segundo datos do Instituto Galego de Estatística, IGE-, que emprega a lingua do país para se comunicar (só o 8% faino exclusivamente en castelán).
A consulta da web da institución que preside Francisco Cacharro Pardo tense que facer obrigatoriamente en español, xa que, nin sequera, existe a posibilidade de acceder a unha versión traducida en galego.
Campañas dende o 2001
Xa dende comezos do ano 2001, diversas organizacións de defensa da lingua como a Mesa pola Normalización Lingüística (MNL) ou a CiberIrmandade da Fala veñen demandando unha opción en galego deste sitio web.
En xullo de 2004, a Deputación deulle un lavado de cara ao deseño da páxina, e introduciu unha pequena ligazón ao seu pé, "Web en galego", na que se lle comunicaba a todos os usuarios deste servizo que "actualmente está en fase de elaboración a versión en galego desta páxina web. En breve estará á disposición de todos os interesados. Dende a Deputación Provincial de Lugo, rogamos que disculpen (sic) calquera inconveniente que esta circunstancia poida ocasionarlles".
"Traslado e adecuación do servidor"
Despois de dous anos sen se cumprir esta promesa, e tras unha nova campaña da CiberIrmandade a principios de 2006, a Deputación realizou unha pequena modificación do texto: de "elaboración ", pasouse a "traslado e adecuación do servidor web".
Porén, a día de hoxe, o devandito "traslado e adecuación" -máis dun ano despois- continúa a se levar a cabo. E a Deputación de Lugo segue a pedir "disculpas".
Ligazóns
- Foro-denuncia da CiberIrmandade da Fala (xaneiro 2006)
- Denuncia da Mesa pola Normalización Lingüística (xullo de 2004)
Novas relacionadas
Comentarios (4)
Fora fascistas da nossa terra. Se lhes gusta Espanha, q vaian a vivir a ela.
Na web da Ciberirmandade hai unha ligazón que permite enviar un prego de protesta á Deputación con só un par de clics. Este é o texto co que se presenta a campaña:
Xa en abril de 2001 a CiberIrmandade tivera como obxectivo a Deputación de Lugo esixíndolle o cumprimento da lexislación que a obriga a facer un uso normal do galego, incluindo obviamente a súa páxina web.
A data de hoxe a nota de que "en breve estará a disposición.." a versión galega, seguía colgada: "Comunicamos a todos os usuarios deste servizo, que actualmente está en fase de elaboración a versión en galego desta páxina web. En breve estará á disposición de todos os interesados. Dende a Deputación Provincial de Lugo, rogamos que disculpen calquera inconveniente que esta circunstancia poida ocasionarlles".
Por se non fose abondo, a Deputación de Lugo emprende o camiño para avanzar na súa galeguización: suprimir o seu Servizo de Normalización Lingüística, en marcha desde o ano 1994!
Desde a CIF consideramos inaceptable que unha administración pública ignore a lexislación que a obriga a respectar os dereitos lingüísticos dos administrados, e moito máis que dea pasos atrás neste eido.
Convidámosvos, por tanto, a lle enviar unha mensaxe de protesta ao Presidente da Deputación de Lugo.
meu caro ferreira, e a que enderezo lla envíamos?: ao do Pazo de San Marcos ou ao de Alhaurín de la Torre?
PD.: Cacharro, en castellano ou en galego, vas acabar co teu cu no talego!!!
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto