Edición xeral
Feiraco desmárcase das multinacionais e négase a pagarlle menos aos gandeiros
Asegura que non hai razóns obxectivas para pagarlle menos aos produtores, tal e como sosteñen outras empresas.
O consello rector da cooperativa Feiraco, que ten 7.000 gandeiros asociados, decidiu non hai ningunha razón de mercado que xustifique unha baixada do prezo do leite en orixe e incluso fala de que está a haber lixeiras subas en Francia e nos Países Baixos. A postura da empresa galega é especialmente simbólica xa que algunhas multinacionais están decididas a baixar un 4% o importe que lle pagan aos gandeiros polo leite.
Pola súa parte as organizacións agrarias xa anunciaron que tomarían medidas en caso de que se fixese efectiva a baixada de prezos. A Consellería de Medio Rural tamén asegurou que non hai razóns para que as empresas tomen de xeito unilateral a decisión de reducirlle os pagos aos gandeiros.
Comentarios (5)
Mais nós, como consumidores, tamén podemos facer algunha cousa: comprometernos a consumir o leite desas industrias, aínda que sexa máis caro. Isto tamén é "comercio xusto", xusto cos produtores e mellor para todos nós, xa que así contribuímos para manter os postos de traballo na Galiza e para a conservación do meio rural, loitamos contra o despoboamento do campo, contra o lume e a degradación da paisaxe, e ademais, consumir o próximo é máis ecolóxico.
Paréceme que Feiraco non da puntada sen fío, e fai ben. Ir na procura do consumidor "solidario" é unha estratexia arriscada pero válida, porque moita competencia non ten. Eu xa consumía Feiraco, pero agora non vou tirar do "Dia%" nin cando ande apurado :)
Arrecarallo! Todo o meu apoio a esta cooperativa! Estou con Galactos en que isto tamén é comercio xusto, polo menos máis xusto que comprar leite doutras empresas que non respectan aos produtores. Vou ver de a atopar por algures aquí en Barakaldo...
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto