Vieiros

O noso país ten unha das taxas de CO2 por habitante máis altas de Europa. Así o vén de recordar o colectivo Verdegaia que, canda a organización estatal Ecoloxistas en Acción, vai pór en marcha unha exposición itinerante baixo o lema de “Paremos o cambio climático”. A mostra, que consta de catorce paneis, poderá verse en diferentes municipios galegos.

Para Verdegaia, os galegos aínda non son conscientes do grave problema que supón o cambio climático. Como exemplo, dende Verdegaia revelan que dende 1990 as emisións de CO2 medraron máis dun 30% en Galiza.