Vieiros

Anxo Quintana, sinalou que as desgaleguización que sofre o ensino non universitario vén herdado dos gobernos populares. Quintana acusou aos executivos presididos por Fraga de non ter aplicado as leis de normalización nos seus dezaseis anos no poder. Criticou a aqueles que sinalan que non hai un conflito lingüístico e rexeitou continuar “falando de paz lingüística, porque isto xa parece máis ben a paz dos cemiterios”.

Quintana agarda que o informe do Consello Escolar de Galicia, no que se sinala a dramática situación da lingua no ensino, sirva para que os sectores máis reacios á normalización do galego modifiquen as súas posicións. O vicepresidente sostén que queda claro que as galescolas son unha “necesidade imperiosa” e dixo, en referencia aos que as critican, que “se vivisen en Suráfrica na época do apartheid queixaríanse do abuso dos negros”.