Vieiros

Vieiros de meu Perfil


Edición xeral

RSS de Edición xeral
Seis euros por metro cadrado

Pretenden expropiar monte protexido en Tomiño para construír chalés

Unha construtora quere urbanizar máis de dous millóns de metros cadrados logo de acadar un acordo coa Comunidade de Montes e grazas a informe positivo da Xunta anterior.

Redacción - 10:02 16/04/2007

Segundo a web InfoRosal, nunha información recollida pola edición galega de El País, o proxecto inmobiliario prevé construír 800 chalés e un complexo polideportivo con dous campos de golf na parroquia tomiñesa de Pinzás. O xornal sinala que o investimento nesta urbanización estará en torno aos 38 millóns de euros aínda que a empresa pagará aos comuneiros pouco menos de seis euros por metro cadrado. Esta recualificación de chan forestal pode levarse a cabo grazas a un informe positivo dos técnicos de Política Territorial do anterior goberno da Xunta.

Na comarca non son poucos os que erguen a súa voz en contra do que consideran un ataque contra “o principio de indivisibilidade e inalienabilidade do monte”. A Asociación Ecoloxista de Baixo Miño, o Instituto de Estudios Miñorano e a organización galega de Comunidades Galegas amosasen contrarios ao proxecto. Principalmente sinalan que, á marxe do prezo pagado pola expropiación, esta non debería permitirse por tratarse dunha urbanización privada e non dun proxecto de utilidade pública.


4.45/5 (11 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí: