Edición xeral
Denominación de Orixe para O Cebreiro
A Xunta de Galicia acordou otorga-la Denominación de Orixe ó Queixo do Cebreiro, que ata agora contaba coa Denominación de Producto Galego de Calidade, unha consideración valiosa en Galicia, pero non cara Europa, algo que sí aporta a Denominación de Orixe.
En definitiva, este acordo, publicado no Diario Oficial de Galicia do xoves, 11 de marzo, ven recoñece-la calidade dun producto artesán que dende hai uns dez anos recuperou a tradición e que nese tempo fixo un grande esforzo por acadar o nivel de calidade e garantías esixidos na Comunidade Europea sen perde-lo encanto da tradición.
O Queixo do Cebreiro é o terceiro de Galicia que conta coa Denominación de Orixe, despois de Arzúa-Ulloa e Tetilla, pero adiantouse a tódolos queixos galegos na súa entrada na Internet, pois conta cunha páxina oficial que, ademáis de explicar polo miúdo as características e modos de producción do producto ofrece 50 receitas de cociña.
Logo do acordo da Xunta, constituíuse un Consello Regulador provisional, que elaborará o censo de productores e o regulamento, para a súa posterior aprobación de novo pola Xunta de Galicia. Sera daquela cando os queixos do Cebreiro poderán inxerir na súa etiqueta o selo da Denominación de Orixe.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto