Vieiros

Vieiros de meu Perfil


GZ-Sete

Edición xestionada por Vieiros
RSS de GZ-Sete
CONVOCADA UNHA MANIFESTACIÓN EN VIGO O SÁBADO

As protestas contra o G8 chegan a Galiza

Varios centos de persoas marcharon o xoves en Compostela contra o cumio dos estados máis ricos

Redacción - 15:35 08/06/2007
Imaxe das protestas en Porto / Foto: sardera.blogspot.com

Imaxe das protestas en Porto / Foto: sardera.blogspot.com

As protestas contra o cumio dos dirixentes dos oito estados máis ricos do planeta, o G8, que se está a desenvolver en Alemaña, teñen o seu eco en Galiza. Onte mesmo, varios centos de persoas manifestáronse polas rúas de Santiago de Compostela e este sábado está convocada outra mobilización en Vigo.

A manifestación viguesa partirá da Vía Norte as 18 horas, segundo explica a CIG, unha das entidades que organiza a protesta, xunto con AMI, Asemblea Anti-imperialista, Ateneo Libertario, Ceivar, Celtarras, Centro Social A Formiga, Centro Social Faísca, Centro Social Revolta, CIG Mocidade, Galiza Nova, GAS, Kaleidoscopio, Nós-UP, Precarias en Loita, Siareiras Galegas e SRI.

O obxectivo da convocatoria é "amosar o noso rexeitamento ao modelo de explotación deste G8, mostrando a necesidade de facer efectiva a xustiza social".

Pintan os cristais de El Correo Gallego
Por outra parte, varios centos de persoas manifestáronse este xoves contra o cumio en Compostela. A raíz da manifestación realizáronse pintadas nos cristais de numerosos establecementos comerciais e empresariais de Santiago, entre eles o do xornal El Correo Gallego, segundo indica o portal Galizalivre.


5/5 (3 votos)


Sen comentarios

Novo comentario

É preciso que te rexistres para poder participar en Vieiros. Desde a páxina de entrada podes crear o teu Vieiros.

Se xa tes o teu nome en Vieiros, podes acceder dende aquí:



Cartel chamando á mobilización en Vigo / Foto: CIG
Cartel chamando á mobilización en Vigo / Foto: CIG